Fyrir þá sem hafa verið að spyrja um kærumálið

Fyrir nokkru þá sagði ég hér frá kæru sem við fengum á okkur.  Margir hafa verið að spyrja hvernig málið hafi farið.  Við höfum ekki fengið neitt frá lögfræðinginum okkar, við höfum heldur ekkert spurt eftir neinu.

Við erum með reikninga frá árunum 1999 til dagsins í dag þar sem við köllum okkur ýmist Breiðavík við Látrabjarg eða Breiðavík/Látrabjarg.   En það var fyrsti hluti kærunnar var að við skulum kalla okkur við Látrabjarg.

Annar hluti var að við skulum kalla okkur hótel.  Þessu er auðvitað ekki svarandi.  En fyrir þá sem ekki vita þá eru engar reglur til um hvenær má kalla gististað hótel.  Eddu hótelin er til dæmis fæst með bað inn á herbergjunum en eru  samt kölluð hótel.

Ef annar liður er varla svaraverður þá er sá þriðji það ekki heldur, en hann var um að viðkomandi aðili er á móti að við skulum nota lunda í auglýsingum okkar.  Þetta eins og hitt er auðvitað bara bull það hefur enginn einkaleyfi á að nota lundann, enda mætti stöðva marga ef þessi eini aðili má nota hann því lundinn er notaður um allt Ísland.

Þetta er auðvitað allt bara bull og ekkert til að ergja sig á þó svo að þetta hafi farið í mig í fyrstu.  Það er bara svo oft þannig að þegar fólki gengur illa annaðhvort í viðskiptalífinu eða einkalífinu svo ég tali nú ekki um ef illa gengur í báðum tilfellunum þá er auðvitað gott að geta skellt skuldinni á aðra.

 

 

 

Athugasemdir

[Jens Guð, 5.10.2008 kl. 23:21]

  Sennilega verður þessu máli vísað frá þegar það fer fyrir dómara.  Ef ekki þá eruð þið með unnið mál.  Pottþétt.  Það eru engar reglur sem skikka neinn til að kenna hótel sitt við einn stað fremur en annan.  Það er öllum heimilt að nota lunda,  hesta,  kindur og hvaða dýr sem er í auglýsingar.  Þessi kæra er bara rugl.

[Birna Mjöll Atladóttir, 5.10.2008 kl. 23:47]

 

Takk fyrir þetta Jens minn.

Það er ótrúlegt að fólk skuli nenna að standa í svona, svona ergelsi er svo mikill orkuþjófur.  Ætli maður hafi ekki eitthvað annað með hana að gera en þetta.  Ég veit að þetta er bara rugl og ég trúi líka að þetta falli um sjálft sig. 

Kv