Hvers vegan?

í barnaskap mínum hélt ég að þetta mál tæki enda, en auðvitað gerir það ekki. 
Það þyrfti að koma meira upp á yfirborðið hversvegna drengirnir voru sendir. 
Hvers vegna er drengur tekinn út af heimili Ásu ef allt er í lagi? 

Ása Hjálmarsdóttir segist aldrei munu fyrirgefa, ekki heldur „hinum megin“

Öryggisnet

Eins og segir í textanum:
"Mig dá oft hefur dreymt það og dáldið langað til"

Já mig hefur lengi langað til að koma upp öryggisneti fyrir gesti sem fyrirfram bóka hjá ferðaþjónustunni. Þannig að ef gesturinn skilar sér ekki til mín þá get ég hringt á þann stað sem hann var að koma frá.  Þetta myndi flýta leit ef til leitar kæmi.
Þetta er ósköp einfalt, þegar ég skrái niður bókun þá skrái ég einnig hvaðan viðkomandi gestur er að koma. Litið mál. Ef gesturinn skilar sér ekki þá hringi ég á þann stað sem hann var síðast á og svo koll af kolli, þannig er hægt að rekja slóða viðkomandi og létta um leið leitina ef til leitar kæmi.
En en fáir hafa  hlustað eða tekið mark á þessu.

Ég er í svæðisstjórn og á einum fundanna þar var verið að skoða hvað þarf að hafa í huga þegar ferðamaður týnist á þessu svæði.
Þá kom ég hugmynd minn að.  Ég var hvött til að reyna að koma þessu eitthvað áfram, sem ég taldi mig vera búin að gera og þess vegna gerði ég ekkert meira.

Eins og ég sagði frá hér um daginn, þá var ég að fá fyrstu gesti þessa árs og allt í góðu með það.
Þeir voru að koma frá Hótel Búðum og var ég búin að hafa samband þangað til að frétta af þeim. Þau komu svo á tilsettum tíma hingað.

Í kvöld fékk ég svo upphringingu frá formanni svæðisstjórnar þar sem hún hvetur mig enn og aftur til að reyna að koma þessu formi á.
Málið var nefnilega það að gestirnir mínir héldu norður, en fyrir norðan vissu menn ekkert hvaðan þessir gestir voru að koma og gerðu því ekki neitt þegar þeir skiluðu sér ekki.
Frakkarnir mínir sátu nefnilega fastir í skafli upp á Dynjandisheiði yfir nóttina.
Þau gátu gengið til bæja um morguninn því veður var gott.
En hvað ef veðrið hefði ekki verið svona gott?

Ég er ákveðin í að skrifa bréf á morgun til, ferðaþjónustubænda, samtökum ferðaþjónustunnar, Slysavarnarfélagsins og ýmissa annarra aðila sem málið varðar.  Ég skal koma þessu á fyrir sumarið 2008. 

 

Fyrir Gunnu vinkonu

Ég er eins og áður löt við að skrifa hér inn.  Aftur á móti hef ég verið dugleg að lesa það sem þið hin eruð að skrifa.
 
En nú bara verð ég.  Hún Gunna vinkona mín er farin að kíkja hér inn og þegar hún sér að ég sett ekkert inn vefsíðuna og blogga ekkert þá heldur hún að ég liggi í leti.

Undanfarið hef ég og nágranni minn og vinur verið að vinna að göngukorti.  Göngukort þetta nær yfir litla kjálkann sem við búum á.  Á korti þessu eru gönguleiðirnar númeraðar og hver leið á sinn lit, þar sem þær skerast mikið.  Stutt leiðarlýsing er á hverri leið. 

Síðan erum við að vinna að lengri leiðarlýsingum fyrir þessar sömu leiðir ásamt sögum og sögnum.  Þannig að meiningin er að kortið og bókin funkeri saman.

Meiningin er að gefa þetta síðarnefnda út í bók á næsta ári.

Kortinu munum við dreifa ókeypis en selja bókina.

Allt í rugli

Það er ekki bara veðrið úti sem er að verða vitlaust, ég held að ég sé að verða það líka.Já eins og ég sagði þá er veðrið að verða vitlaust.  Hér er komin bylur og sést varla á milli húsa. 

Það er ekki seinna vænna að fá einhvern vetur, svona rétt pínu smá áður en að vorið kemur.  Annars þrátt fyrir lætin í veðrinu þá er eitthvað svo vorlegt, ja............allavega í huga mínum.  Ætli það sem ekki bara af því að fyrstu gestir þessa árs verða hér á laugardaginn.  Ég er semsagt komin í Hagkaupssloppinn með slæðu á höfðinu (verð að passa greiðsluna) og tusku og skrúbb og er að fara að arka fram á hótel að þrífa. 

 Hvað er nú vorlegra en þetta.

Sjónvarp/útvarp allra landsmanna?

Ég var á fundi um samgöngu og fjarskipta mál.  Sturla Böðvars skýrði út fyrir okkur stöðuna í þessum  málum.  Hann notaði auðviðtað tækifærið og blessaði aðeins yfir okkur, ég meina ………það er um að gera að nota tækifærið, það er nú ekki svo langt í kosningar. Samt fer alltaf pínu í taugarnar á mér að þessir pólitíkusar þurfi að pota aðeins að hinum sem eru á móti þeim í pólitík og eru ekki á staðnum til að svara fyrir sig.  En þetta er nú víst vara svona. Nú eru afnotagjöld sjónvarpsins ekki lengur til heldur er þetta nefskattur sem allir borga.  Ok………það er allt í góðu fyrir þá sem ná sjónvarpi en hinir sem ekki búa á útsendingarsvæði sjónvarpsins/útvarps……….. hvað með þá………..jú þeir fá sitt sjónvarp óðara sent í gegnum gervihnött, sem verður vonandi hið best mál, en hver á að borga.  Það er allavega búnaður sem þarf til að ná þessum sendingum, búnaður sem ég er búin að heyra að kosti í kringum 500.000.  Málið er afskaplega einfalt, það er bara þannig að ef þú hefur áhuga á að ná útsendingu þá borgarðu þetta sjálfur.  AMEN.Sjónvarpið/útvarpið er ekki allra landsmanna

Rafmagnsleysi

Gæti maður ekki orðið brjálaður
Enn og aftur vöknum við í rafmagnsleysi og skíta kulda.  Ég hef ekki lengur tölu á þeim dögum sem er búið að vera rafmagnslaust frá því á áramótum.
Ég meina, ef það væri eitthvað að veðri þá væri þetta skiljanlegt.  En veðrið er dásamlegt, sól en kannski dálítill kuldi, hvað er það á milli vina.Í þetta sinn var ekkert rafmagn í 14 tíma, ég er að reyna að pikka á tölvuna til að fá hita í fingurna, en ég er ekki svo fljót að ég ná þessu.  En það er bara eins og ráðherrann sagði forðum: Ef þið ætlið að búa þarna þá er þetta eitt af því sem fylgir því.

Á kafi

Ég á örugglega eftir að tala mikið um þetta “Breiðavíkur mál” fyrst um sinn. Ef þíð hafið ekki áhuga á að “hlust á mig” þá sleppið bara að lesa.Er enn að velta þessu öllu fyrir mér.  Enda er ég enn í sambandi við nokkra, sem er bara í góðu.Þeir eiga margir svo hræðilega erfitt.

Hrædd um strákana

Umræðan undanfarnar vikur um drengjaheimilið hér í Breiðavík hefur verið mikil. Drengirnir sem hér voru hafa sumir hverjir fengið mikla athygli í tvær til þrjár vikur síðan dettur þetta niður og allt er búið. Ég er hrædd um að þetta verði eins og hjá konu sem missir maka sinn, fyrst eftir andlátið er hún umvafinn ættingjum og vinum, hún fær alla athyglina og allir eru að taka utan um hana, votta henni samúð sína.  Að jarðaför lokinni þá fara ættingjarnir og vinirnir að tínast í burt einn og einn, eftir verðu ekkjan ein, já og svo ræðilega ein og einmanna.

Prufa

Ég er bara að fikta, ég kann ekkert á þetta og veit í raun ekki hvað ég er að gera hér.

Ef þið sjáið eitthvað bull hér hjá mér þá er það vegna þess að ég er að æfa mig.  Æfingin skapa meistarann.