Okkar maður bara hress í dag

  Já hann Keran litli er búinn að vera hress í dag.  Hann er alfarið að fá sína næringu í gegnum sondu sem kemur í gefnum nefið.  Keran er tengdur við tæki sem mælir súrefnis mettunina.  Það er mjög gott að geta fylgst með mælunum þar sem lesa má um mettunina og púlsinn.  Þegar ég var hjá honum í fyrradag þá féll mettunin niður í 70, mikið rosaleg var ég hrædd um barnið.  En skömmu fyrir þetta þá hafði mettan fallið tvisvar sinnum niður í 50.  Ég er hrædd um að þar hafi ekki munað miklu.  Þetta er eingöngu að koma fyrir þegar hann grætur en þá er hann ekki að ná andanum.   En sem betur fer þá er hann svo rosalega rólegur að þetta er ekki að koma oft fyrir.  Ég er búin að vera mikið hjá honum frá því að hann var 3 daga gamall og ég hef bara einu sinni séð hann gráta..  Ég held að hann sé með rólegri börnum sem ég hef nokkurn tímann kynnst.  Síðustu tveir dagar hefur allt verið í fínu hjá honum, hann ekkert grátið og allt í góðu.Í dag kom félagsráðgjafi í heimsókn til þeirra Óla og Sigrúnar.  Var hún aðallega að skýra út fyrir þeim í sambandi við meðlagsgreiðslur, ummönnunarbætur og þess háttar.Nú þá kom einnig sjúkrahúspresturinn í heimsókn, þetta er afar góður maður og þægilegur að tala við.  Umræðurnar við prestinn enduðu í spjalli um skotveiði.

Ein langömmu systir hans kom í heimsókn ásamt dóttur sinni ásamt Óðni en hann er frá Patró.

Síðustu dag hafur hún Þórhildur Nótt verið á sjúkrahúsinu, hún var í næsta herbergi við Keran.  Þórhildur fór heim í dag.Ég fór í Föndru í dag til að kaupa efni til að sauma grjóna poka og dýnu sem ég ætla að sauma fyrir Keran litla.  Ég er nú búin að vera í miklu sambandi við þær Föndru konur og þegar ég sagði þeim hvað ég væri að fara að gera þá var okkur (Keran) gefið það efni sem við ætluðum að versla hjá þeim.  Ég fór síðan heim til Hjördísar og þar sneið ég grjónapokana og Hjördís saumaði.  Á morgun ætlum við síðan að fara með það sem við bjuggum til í einhverja verksmiðju (man ekki hvað heitir) og þeir ætla að blása frauðinu í pokana okkar.  Ef þetta tekst þá kem ég til að sýna ykkur þetta á morgun en ef þetta tekst ekki þá bara tölum við ekki meira um þetta.

Nú ætla ég að fara að svara bókunum og síðan að lesa góða bók þar til ég sofna.

Ég er ekkert laslegur að sjá

Hvað er þetta með kvenfólk og mig.....við eigum VEL saman.

Þessi er nú sæt.  Það er eins gott að pabbi sjái hana ekki.

Þær eru allar eins.....brjálaðar í mig...pabbi HHHjjjáálllpp

 

Athugasemdir

[Viktoría Rán (IP-tala skráð) 27.3.2009 kl. 09:56]

Elsku Birna, 

Vildi bara láta vita að við fylgjumst með, hugsum til ykkar og sendum fullt af bata-orku. Keran á amk góða að og því er ég viss um að gæfa muni fylgja honum um langan ókominn aldur.

Kveðja frá Ströndunum!

Knús  Viktoría

[JEG, 27.3.2009 kl. 10:08]

Gott að heyra góðar fréttir.  En já auðvitað er þetta erfitt að vita ekkert hvað er að og hvað skal gera.  Gott að hann er undir eftirliti.  Oft er það nú með svona börn að þau virðast oft höndla svona aðstæður betur en við.  Gott að hann er rólegur því það er jú ekki alveg hægt að pannta slíkt í börn.  Gott að kerfið virðist vera að standa sig gagnvart þeim þ.e. að fagfólkið komi og tali við þau.  Það er svo oft að fólk á að finna allt á sér varðandi rétt sinn og annað.

Knús og kveðja úr Hrútafirði. 

[Dísa Dóra, 27.3.2009 kl. 10:12]

Yndislegar myndir af litla manninum

Það er gott að hann er svona rólegur fyrst að hann dettur svona niður í grátkviðunum.  Vonandi fara niðurstöðurnar í blóðrannsóknunum að koma og vonandi boða þær gott - krossum putta og tær fyrir því

[Ásthildur Cesil Þórðardóttir, 27.3.2009 kl. 11:12]

FLottur er hann sá litli.  Sendi ykkur góðar hugsanir.  Var þetta rétt hjá mér með myndavesenið Birna mín?

[Sissa (ókunnug) (IP-tala skráð) 27.3.2009 kl. 11:24]

Mikið er gott að litla kút líður betur. Og mikið óskaplega er prinsinn fallegur, efsta myndin bræðir mann alveg.

[Jóhanna og fjölskylda (IP-tala skráð) 27.3.2009 kl. 12:00]

Yndilega fallegur litli prinsinn, við sendum allar okkar bestu batakveðjur til hans.