Hverjar eru líkurnar??

 Já, hverjar eru líkurnar á að hjón sem gefa hvort öðru tvær jólagjafir hvort gefi hvoru öðru sömu gjafirnar.

 En það fór nú svo með okkur hjónin.  Ég ákvað að gefa manninum mínum bók, en þar sem hann les ekki mikið ákvað ég að gefa honum bókina “Vasast í öllu” en bókin fjallar um endurminningar Sveins í Kálfsskinni en hann er eins og maðurinn minn, bóndi. Keran (maðurinn minn) ákvað einnig að gefa mér bók, en öfugt við hann þá er ég alæta á bækur.  Hann gaf mér bókina “Vasast í öllu” og grunar mig að hann hafi valið hana vegna þess að þetta er hugsanlega eina bókin sem hann gæti lesið sjálfur, og það skipti svo sem ekki miklu þar sem ég les allt. 

Nú var komin að hinum pakkanum en það var DVD ég gaf honum diskinn Út og suður.  Hann gaf mér einnig DVD og hvaða diskur ætli það hafi verið?  Jú það var út og suður. Er þetta ekki ótrúlegt? Ég gaf honum síðan 3 pakkann en það var verkfæraskápur með öllum verkfærum. 

Sem betur fer var 3 pakkinn hans ekki verkfæri.

Athugasemdir

[Ari Guðmar Hallgrímsson, 29.12.2007 kl. 20:03]

Heppin þar, en ef ég man rétt hefðu verkfæri getað komið þér vel. eða ertu ekki að vinna í tré ennþá ?, ég gisti hjá ykkur fyrir nokkrum árum með hóp eldri borgara,og áttum við ánægjulega dvöl hjá ykkur.Með bestu kveðjum af Norð-austurhorninu,með ósk um farsælt og gestkvæmt ár.

[Sigurlaug B. Gröndal, 30.12.2007 kl. 00:11]

Þetta er alveg ótrúlegur áhittingur! Hverja heldurðu að líkurnar séu að þetta gerist með fyrsta pakkann, hvað þá pakka no. 2? Birna mín, innilegar jóla og nýárskveðjur til ykkar allra. Megi nýja árið færa ykkur gæfu og gleði. Kær kveðja héðan úr Þorlákshöfn.

[Steinunn Helga Sigurðardóttir, 30.12.2007 kl. 15:13]

kæra birna !

Gleðileg áramót til þín og þinna. vonandi farið þið í rólegheitum inn í hið nýja ár

Mahatma Gandhi sagði svo rétt Kærleikurinn er sterkasta aflið sem til er í heiminum og jafnframt hið hógværasta sem unnt er að hugsa sér.

Megir þú vera í Kærleikanum nú og alltaf.

AlheimsKærleikur til þín

Steina 

[Ester Sveinbjarnardóttir, 1.1.2008 kl. 00:29]

Gleðilegt nýtt ár, takk fyrir góð kynni á árinu 2007.

[Vatnsberi Margrét, 2.1.2008 kl. 18:21]

Gleðilegt ár :)

Skondin tilviljun með gjafirnar.

[Fallega fólkið í Leeds, 4.1.2008 kl. 21:52]

Sæl frænka, rakst á bloggið þitt af tilviljun...  Gaman að lesa...bið að heilsa öllum

Kveðja, Halldóra Skúla (dóttir Rutar Ingvars)