Þorláksmessu hefð

Þegar ég var lítil stelpa þá var pabbi alltaf á sjó, en hann var heima um jólin. 

Pabbi fór því ekki oft með okkur systrunum í búðir.  En á þorláksmessu á meðan mamma var að þrífa þá fór hann með okkur í búð.  Hann fór með okkur í verslun Ara Jónssonar, en það var bóka búð með meiru.  Síðan hefur það haldist við í minni fjölskyldu að ég kaupi þorláksmessubækur fyrir alla í fjölskyldunni. 

Meðan krakkarnir voru litlir þá voru þau bara að fá Andrés Önd eða eitthvað í þeim dúr.  Þegar þau stækkuðu kom í ljós hvort þau höfðu á huga á lesa góða bók, þeir sem það höfðu fengu áfram bók.  Enn í dag er það siður hjá okkur að kaupa þorláksmessubók fyrir jólin.

Það er dásamlegt að halda í góða siði.

Athugasemdir

[Dísa Dóra, 29.12.2007 kl. 11:01]

Bestu gjafirnar hér á bæ eru einmitt bækur