Veðramót / Breiðavík

Ég fór í bíó á sunnudaginn og sá myndina Veðramót.

Það er Guðný Halldórsdóttir sem skrifar handritið en Guðný var starfsmaður á vistheimilinu Breiðavík um tíma. Hún vann á þeim tíma sem var farið að hafa bæði stelpur og stráka. 

Hugmynd Guðnýjar af myndinni er upptökuheimilið Breiðavík.

Þegar ég var stelpa á Patreksfirði þá heyrði ég ýmislegt frá Breiðavík, síðan þegar ég flutti hingað þá heyrði ég fleiri sögur af þessu tímabili í sögu Breiðavíkur.

Það sem mér fannst svo sniðugt við að sjá myndina var að margar af þeim sögum og sögupersónum taldi ég mig þekkja.  Mér fannst ég vera stödd í Breiðavík.

Þegar þetta unga par kemur að Veðramótum þá breyta þau heimilinu að þeirra smekk, það var hippa stíllinn sem þá réði ríkjum, þau byrjuðu á að saga lappir af stólum og fleira í þeim dúr.
Þegar við komum hingað þá voru fullt af húsgögnum frá þessu tímabili í einni geymslunni, og þar voru stólar með afsöguðum löppum og fleira frá þessum tíma.

Góð mynd og sérstaklega vel leikin, ég skora á ykkur að sjá hana.

Athugasemdir

[Danadrottning (IP-tala skráð) 2.10.2007 kl. 22:13]

Þetta er mynd sem ég ætla að sjá, alveg á hreinu.

[Ásthildur Cesil Þórðardóttir, 3.10.2007 kl. 08:54]

Það er gaman að þessu Birna Mjöll mín, nú er bara að draga fram söguna og túrhesta til að upplifa kvikmyndina.   Breiðavík á framtíðina fyrír sér með ykkur við stjórnvölin, það er nokkuð ljóst.

[Vatnsberi Margrét, 3.10.2007 kl. 09:41]

Verð að sjá þessa mynd, hef bara heyrt góða dóma um hana..

[Birna Mjöll Atladóttir, 3.10.2007 kl. 17:20]

Túristana segir þú mín kæra Ásthildur.  Þeir voru nú ekki allir hrifnir af sögunni Íslendingarnir sem komu hingað í sumar.

Sumir voru bara %$#$"#"%$#& leiðinlegir.
En, jú, auðvitað verður að finna réttu leiðina að vinna rétt úr sögunni, því henni verður ekki breytt.